== తెలిసిపోతోంది ==
=వయస్సు మీద పడడం తెలిసిపోతోంది.
=ఒంట్లో ఒక్కో అవయవం మొరాయించడం తెలిసిపోతోంది.
=మనుషుల్లో మనసుల మధ్య అడ్డుగోడలు తెలిసిపోతోంది.
=మసకబారుతున్న జ్ఞానం , నింగికెగిసిన విజ్ఞానం తెలిసిపోతోంది.
=మనిషికి మనిషికి మధ్య అసూయ విజృంభిస్తుండడం తెలిసిపోతోంది.
=మనుషులకు దూరంగా పచ్చని ప్రకృతికి దగ్గరగా వెళ్లాలన్న ఆలోచనలు తెలిసిపోతోంది.
=సమాజాన్ని వీడి సమాధిలోకి వెళ్తే బాగుండన్న ఆలోచన తెలిసిపోతుంది.
=మనుషుల్లో కట్టలు తెంచుకుంటున్న కోరికలు తెలిసిపోతోంది.
=మృగాలు సమాజంలో, అమాయకత్వం అడవుల్లో సంచరిస్తుండడం తెలిసిపోతోంది.
=ఇప్పటికీ ఎవరో వస్తారని ఏదో చేస్తారని ఎదురు చూస్తున్న కనుల కన్నీరు తెలిసిపోతోంది.
=బంధాలు బాంధవ్యాలు అన్నీ అవసరాల మేరకే అని తెలిసిపోతోంది.
=ఇంకా కరుడు గట్టిన కులం ముసుగు ధరించి పైకి పెద్దమనుషుల్లా చెలామణి అయ్యే వాళ్ల గుణం తెలిసిపోతోంది.
=కాలు తగిలితేనే మొక్కే చేయి, కత్తితో స్వైరవిహారం చేస్తుండడం తెలిసిపోతోంది.
=పక్క వాడి గురించి ఆలోచించే తపన, అసలు నువ్వు ఎవరు ఈ భూమి మీదకి ఎందుకు వచ్చావు అని ఆలోచించలేని మొద్దు బారిన మెదడు, అమాయకత్వం తెలిసిపోతుంది.
=డబ్బుకి లోకం దాసోహం అయినప్పుడు దానినే సృష్టించిన నువ్వు దేనికి బానిసవు అనే ఆలోచనలు తెలిసిపోతోంది.
=ఏ రంధ్రం నుండి నువ్వు ఈ లోకానికి వచ్చావో అదే రంధ్రం గురించి నువ్వు పడే తపన తెలిసిపోతోంది.
=నమ్మిన జనాలని మోసం చేసి నువ్వు కడుతున్న కోటల గుట్టు తెలిసిపోతుంది.
= ఓరి తుఛ్ఛ నరుడా చిట్ట చివరికి నీ బతుకు ఏం అవబోతుందో నాకు తెలిసిపోతోంది
తెలిసిపోతోంది
తెలిసిపోతోంది.
✍️ తన్నీరు రమేష్
⚫ మహాశూన్యం ⚫
No comments:
Post a Comment